យុទ្ធសាស្ត្រទីផ្សារយក្សាបោកអ៊ុត

យក្សា

ការដាក់បេះដូងធ្វើ

ដើម្បីធ្វើឱ្យអាជីវកម្មយើងអាចឈរជើងបានយូរអង្វែង យើងត្រូវប្រតិបត្តិ​អោយបានល្អ ត្រឹមត្រូវ និងដាក់ចិត្តដាក់កាយ រួមទាំងការស្រលាញ់។ រាល់សកម្មភាពដែលបានធ្វើ យើងត្រូវតែគិតវាជាចំណុចសំខាន់ដើម្បីធ្វើឱ្យអាជីវកម្មនោះមានដំណើរការរលូន។ បន្ទាប់មក អាជីវកម្មដើរហើយ យើងក៏ត្រូវតែផ្ដោត និងយកចិត្តទុកដាក់ជាមួយអតិថិជន ដើម្បីឱ្យពួកគាត់មានភាពជឿជាក់កាន់តែខ្លាំងឡើងចំពោះផលិតផលរបស់យើង។

ផែនការទីផ្សារ យក្សា

គ្រប់ផលិតផល ឬសេវាកម្មជោគជ័យដែលដាក់លក់នៅលើទីផ្សារសព្វថ្ងៃ បានចាប់ផ្ដើមសិក្សាស្រាវជ្រាវយ៉ាងទូលំទូលាយអំពីអតិថិជននឹងដៃគូប្រកួតប្រជែង។​ ការដឹងថានរណាជាអតិថិជន នឹងដៃគូប្រកួតប្រជែង គឺជាជំហានដំបូងយ៉ាងមានសារៈសំខាន់ក្នុងការអភិវឌ្ឍផែនការទីផ្សារ។ នៅពេលដែលយើងចាប់ផ្ដើមបញ្ចេញលក់ផលិតផល ឬសេវាកម្មនៅលើទីផ្សារគួរស្វែងរកជំហ៊ានពិសេសៗឱ្យបានមុនគូរប្រកួតប្រជែងរបស់យើង ដោយផ្ដោតលើការសិក្សាស្រាវជ្រាវនឹងមានទំនួលខុសត្រូវខ្ពស់។

ស្រាវជ្រាវផលិតផលមុនលក់

ការសិក្សាស្រាវជ្រាវអំពីផលិតផល ឬសេវាកម្មក្នុងការចាប់ផ្ដើមលក់ គឺដើម្បីធានានូវគុណភាព និងគុណតម្លៃជូនអតិថិជន។ ត្រូវដឹងថារាល់ផលិតផល ឬសេវាកម្មដែលយើងលក់នៅលើទីផ្សារមានប្រភពច្បាស់លាស់ មានការធានាត្រឹមត្រូវ។

ការទិញ

ការកសាងទំនុកចិត្តនិងបទពិសោធល្អសម្រាប់អតិថិជនដំបូងនិងបន្តបន្ទាប់តាមរយៈ ការចុះជួប ឬតាមបណ្តាញសង្គមផ្សេងៗ យើងត្រូវចាំថាអតិថិជន ៩០ភាគរយនៅទូទាំងពិភពលោក នៅពេលនេះគឺកំពុងមានសកម្មភាពនៅលើប្រព័ន្ធអនឡាញ ដូចនេះមុននឹងការសម្រេចចិត្តទិញផលិតផលណាមួយពួកគេភាគច្រើនគឺនឹងធ្វើការសម្រេចចិត្តតាមរយៈការណែនាំតៗគ្នា ដែលវាគឺជាមុខងារម្យ៉ាងដែលអនុញ្ញាតឲ្យអតិថិជនដែលបានទិញផលិតផលរបស់យើងរួច ក៏ដូចជាការចែករំលែកពីមតិយោបល់របស់គេចំពោះគុណភាព–តម្លៃ ព្រមទាំងសេវារបស់យើងទៅកាន់អតិថិជនផ្សេងទៀតដែរ។

ការលក់

អ្វីដែលក្រុមហ៊ុនត្រូវគិតគូរក្នុងការលក់ផលិតផលនោះគឺ តម្លៃ របស់ផលិតផល។

តម្លៃរបស់ផលិតផលមានបីគឺ តម្លៃក្រោមទីផ្សារ តម្លៃស្មើរទីផ្សារ និង តម្លៃលើទីផ្សារ ដែលយើងអាចដឹងបានតាមរយៈតម្លៃទំនិញរបស់ក្រុមហ៊ុនប្រកួតប្រជែងផ្សេងទៀត។

ទំហំថវិកា ដែលអតិថិជនត្រូវការចំណាយក្នុងការទិញផលិតផលឬសេវាកម្មមានសារៈសំខាន់ណាស់ ក្នុងការកំណត់ប្រាក់ចំណេញរបស់ក្រុមហ៊ុន និងរយៈពេលឈរជើង។ ការប្រែប្រួលតម្លៃមានឥទ្ធិពលខ្លាំងណាស់ទៅលើយុទ្ធសាស្ត្រទីផ្សារ និងអាស្រ័យលើភាពបត់បែននៃតម្លៃផលិតផល ហើយការជះឥទ្ធិពលទៅលើតម្រូវការនិងការលក់ផងដែរ។ យុទ្ធសាស្ត្រកំណត់តម្លៃផ្អែកលើកត្តាសំខាន់ៗ៣ជាមូលដ្ឋាន៖ ការពិនិត្យមើលតម្លៃប្រកួតប្រជែងទីផ្សារ តម្លៃវាយលុកទីផ្សារ និងតម្លៃសមរម្យអាចទទួលយកបាន។

កំណត់អតិថិជនគោលដៅ

យើងត្រូវស្គាល់ថា នរណាជាអតិថិជនគោលដៅដែលពាក់ពន្ធ​ នឹងការប្រើប្រាស់ផលិតផលនិងសេវាកម្មរបស់យើង គឺដោយសារតែប្រជាជនយើងមាន៣កម្រិតគឺ ទាប មធ្យម និងខ្ពស់ បន្ទាប់មកត្រូវសិក្សាពីពួកគាត់ ដូចជា កម្រិតជីវភាព ចំណង់ចំណូលចិត្ត និងអត្តចរិតនៃការប្រើប្រាស់រួមទាំងពេលវេលា និងត្រូវចេះកំណត់់ថាអតិថិជនមួយណាដែលប្រើប្រាស់ម្ដងហើយម្ដងទៀត? តើក្រុមអតិថិជនណាដែលតែងតែប្រាប់ និងណែនាំអ្នកដ៏ទៃពីផលិតផល និងសេវាកម្មរបស់យើង ត្រូវចេះកំណត់​ទាំងភេទ អាយុ ទីតាំង ចំណាំអារម្មណ៍ និងសេវាកម្ម​ និងតម្លៃយើងត្រូវយកបែបណា? ងាយស្រួលក្នុងការកំណត់តាំងយកដើម្បីបំពេញតម្រូវការ។ បន្ទាប់មក ប្រើប្រាស់ធនធានដើម្បីធ្វើទីផ្សារឱ្យចំគោលដៅ និងកែរាល់ចំណុចខ្វះខាតឱ្យកាន់តែល្អប្រសើរជាងមុន។ ជាពិសេសត្រូវប្រកាន់ភ្ជាប់ក្រមសិលធម៌ និងភាពស្មោះត្រង់។

ទំនួលខុសត្រូវចំពោះផលិតផល

ទោះបីជា អាជីវកម្មយើងបែបណាក៏ដោយ  មិនថាតូចឬធំ ត្រូវតែសិក្សាពីគុណភាពរបស់ផលិតផលជាចាំបាច់ដើម្បីការពារកុំឱ្យមានផលប៉ះពាល់ដល់អតិថិជន និងមានការធានាសុវត្ថិភាព។

យើងត្រូវតែមានចំណុចពិសេសមួយ មកបង្ហាញឱ្យអតិថិជនយើងបានដឹងគុណតម្លៃផលិត ផល ដើម្បីបង្កើតនូវភាពជឿជាក់ដល់អតិថិជន គឺយើងមានទំនួលខុសត្រូវចំពោះផលិតផល គុណតម្លៃ និងគោលការណ៍ស្ដីពីក្រមសីលធម៌របស់ក្រុមហ៊ុនធានាលើសុវត្ថិភាពផលិតផលជូនដល់អតិថិជនក្នុងការប្រើប្រាស់។

របៀបនៃការលក់

ចូលទៅជួបម្ចាស់ហាងបោកអ៊ុត (ស្វាគមន៍ម្ចាស់ហាង)

បង្ហាញផលិតផលថ្មីដែលកំពុងមាន

1. សួរគាត់ និងជួយដោះស្រាយបញ្ហាជូនគាត់
2. សុំលេខទូរស័ព្ទ Telegram, Facebook, Youtube ជាដើម
3. បង្កើតក្រុម ជាក្រុម Messenger និងក្រុម Telegrams
4. ថតរូបទុកជាអនុស្សាវរីយ៍
5. កត់ចំណាំឈ្មោះហាង (ដៅ Maps)
6. កត់ផលិតផលដែលគាត់កំពុងប្រើ នឹងសុំតម្លៃផលិតផលដៃគូ
7. សួរចំណាប់អារម្មណ៏ ពីឆ្នាំងអ៊ុត បើក្រុមហ៊ុនមានបង់រំលស់ ១សប្តាហ៏ ២០ដុល្លា តើគាត់យល់ព្រមទេ?

ការស្រាវជ្រាវទីផ្សារ

ដើម្បីចាប់ផ្តើម និងដំណើរការអាជីវកម្មជោគជ័យ យើងត្រូវស្គាល់​ពី​អតិថិជន និងទីផ្សារគោលដៅ។ យើងត្រូវស្គាល់

• អតិថិជន​ដែល​នឹងទិញផលិតផលរបស់យើងហើយហេតុអ្វីបានជាគេទិញផលិតផល នោះ?
• តើអ្វីទៅជាតម្រូវការ និងបញ្ហាប្រឈមរបស់ពួកគេ?
• តើយើងឆ្លើយតបនឹងបញ្ហាព្រមទាំងតម្រូវការរបស់អតិថិជនដោយរបៀបណា?
• តើអតិថិជនសម្រេចចិត្តទិញផលិតផល ឬសេវាកម្មរបស់យើងដោយរបៀបណា?
• តើយើងអាចរកឃើញ ឬដឹងថាអតិថិជនសំខាន់ៗនៅទីណា ហើយ
• តើយើងនឹងទាក់ទងជាមួយពួកគេដោយរបៀបណា?

ការស្រាវជ្រាវទីផ្សារអាចជួយយើងឱ្យយល់ និងធ្វើការសម្រេចចិត្តអោយបានត្រឹមត្រូវ និងគ្រប់ជ្រុងជ្រោយ​អំពីទីផ្សារផលិតផល និងសេវាកម្មរបស់អ្នក។

ការស្រាវជ្រាវទីផ្សារមានទម្រង់ខុសៗគ្នា ការស្រាវជ្រាវចម្បងមានការពាក់ព័ន្ធ​ទៅ​នឹងការប្រមូលព័ត៌មានសំខាន់​តាមរយៈការស្ទង់មតិ កិច្ច​សម្ភាសន៍ និងការជជែក​ជាមួយអតិថិជន (សក្តានុពល) និងអាជីវកម្មដទៃផ្សេងៗទៀត។ ការស្រាវជ្រាវរបស់យើងអាចជាលក្ខណះផ្លូវការ ឬក្រៅផ្លូវ ការ។ ការស្រាវជ្រាវដោយប្រើប្រាស់ព័ត៌មាន និងទិន្នន័យដែលបានប្រមូល និងវិភាគដោយអ្នកដទៃរួចហើយ ក៏ដូចជាស្ថិតិចុះផ្សាយរបស់​រដ្ឋាភិបាល និងឯកសារបោះផ្សាយផ្នែក​ពាណិជ្ជកម្មផ្សេងៗ។

ការស្រាវជ្រាវការប្រកួតប្រជែង និងទិត្ថិភាពនៃ​ទីផ្សារ (ភាពចាល់នៃទីផ្សារ)

យើងត្រូវដឹងពីការប្រកួតប្រជែងរបស់យើង ដូច្នេះយើងអាចទប់ស្កាត់ និងរារាំងគេមិនឱ្យទាក់ទាញយកអតិថិជនរបស់យើងបាន។ សូមចងចាំថាការប្រកួតប្រជែងមិនមែនជារឿងអាក្រក់ជានិច្ច​នោះទេ​ ប៉ុន្តែវាមានន័យថាផលិតផល និងសេវាកម្មរបស់យើងមានទីផ្សារ ដោយអតិថិជនស្ម័គ្រចិត្តទិញ ឬហ៊ានចំណាយទិញ។

ទន្ទឹមនឹងនេះ យើងត្រូវដឹងថា

• តើអ្វីជាចំណុចពិសេសរបស់យើង?
• តើយើងនឹងលេចធ្លោ និងខុសពីគេយ៉ាង​ដូចម្តេច?
• តើយើងនឹងមានសេវាកម្មកាន់​តែ​ជំនាញ​ជាងនេះដែរ ឬទេ?
• អ្វីដែលគ្មាននរណាម្នាក់អាចផ្តល់ជូនបាន?

ការផ្សព្វផ្សាយ

នៅពេលដែលយើងបានកំណត់រួចហើយ យើងអាចធ្វើការ​រៀបចំយុទ្ធសាស្ត្រផ្សព្វផ្សាយឱ្យចំ​គោលដៅ អតិថិជន​របស់អ្នកបាន។ ហើយជាពិសេសនៅពេលដែលអ្នកចំណាយលុយ​ផ្សព្វផ្សាយ​នៅលើ Facebook អ្នកគួរជ្រើសរើស​ ក្រុមអតិថិជន​ទាំងនោះ​ដើម្បី​បង្កើន​ប្រសិទ្ធ​ផល នៃការលក់ឱ្យកាន់តែច្រើន។

មុននឹងយើងធ្វើអោយគេស្គាល់ផលិតផលរបស់យើងមិនមែនជារឿងងាយស្រួលនោះទេត្រូវប្រឹងប្រែងបន្តចែកចាយអោយគេបានស្គាល់កាន់តែច្រើន។ ផ្សព្វផ្សាយតាមរយះ Facebook , TikTok, Telegram, IG(Instagram), Google My Busines ជាដើម។ ការប្រកួតប្រជែងតាមប្រព័ន្ធផ្សព្វផ្សាយសង្គមជាវិធីសាស្រ្តដ៏រីករាយ នឹងងាយស្រួលក្នុងការតភ្ជាប់ទំនាក់ទំនងជាមួយអតិថិជន នាំមកនូវការគាំទ្រផលិតផលបន្ថែមទៀត ផ្ដល់ឱ្យអតិថិជនផ្ដាច់មុខដើម្បីក្លាយជាមនុស្សដែលចាប់ដៃលើផលិតផលរបស់យើងដោយឥតថ្លៃ!

បង្កើតវីដេអូបង្ហាញពីផលិតផល ៖ ក្រៅតែពីការស្វែងរកអតិថិជនដោយផ្ទាល់ និងអតិថិជនប្រាប់តៗគ្នាហើយនោះ អតិថិជននៅលើប្រព័ន្ធអនឡាញពិតជាចង់ឃើញ និងប៉ះនូវផលិតផលរបស់យើងដោយផ្ទាល់ ដូចនេះការផលិតវីដេអូបង្ហាញពីរបៀបប្រើប្រាស់ឬបង្ហាញពីគុណភាពគឺជារឿងចាំបាច់ដែលមិនអាចខ្វះបាននោះទេ។ យើងត្រូវចាំថា វីដេអូកាន់តែមានគុណភាព និងគុណប្រយោជន៍ផលិតផលរបស់យើងកាន់តែទទួលបានឱកាសច្រើនក្នុងការលក់ចេញទៅលើទីផ្សារក្នុងស្រុក និងក្រៅស្រុក។

មានបង្កើនការទទួលស្គាល់ និងម៉ាកយីហោរបស់យើងលើបណ្តាញសង្គម ៖ Facebook មិនមែនជាទីផ្សារតែមួយសម្រាប់បង្កើតលទ្ធភាពលក់នោះទេ ប៉ុន្តែបណ្តាញសង្គមដែលបច្ចុប្បន្នមានអ្នកប្រើប្រាស់ដ៏ច្រើនលើសលប់ក៏ជាទីកន្លែងដ៏មានសក្តានុពលផងដែរសម្រាប់ផលិតផលរបស់អ្នក។ ការបង្កើនស្លាកយីហោនៅតាមបណ្តាញសង្គមដូចជា Facebook, TikTok, Twitterឬ Instagram ហើយតភ្ជាប់វាជាមួយនឹងទីផ្សារលក់អនឡាញខាងលើគឺជាការបន្ថែមទំនុកចិត្តកាន់តែខ្លាំងឡើងសម្រាប់អតិថិជនដែលកំពុងមានបំណងចង់បានផលិតផលរបស់យើង។

បង្កើតវេបសាយ ៖ ក្រោយពេលដែលយើងចាប់ផ្តើមមានអតិថិជនហើយនោះ ពួកគេអាចនឹងអាចវិលត្រឡប់មកដើម្បីចរចាគ្នាសាជាថ្មីកាន់តែងាយស្រួលតាមរយៈវេបសាយរបស់យើង ហើយមិនត្រឹមតែប៉ុណ្ណោះនៅទីនេះអ្នកក៏អាចបង្កើត ជាមាតិកាដែលមានសារៈប្រយោជន៍ពាក់ព័ន្ធទៅនឹងផលិតផលរបស់យើងផងដែរ ដើម្បីទាក់ទាញចំណាប់អារម្មណ៍បន្ថែមទៀតពីសំណាក់អតិថិជនលើអនឡាញ៕

ការស្តុកទំនិញ

ការវេចខ្ចប់បានផ្ដល់ភាពងាយស្រួលដល់អ្នកប្រើប្រាស់ ដែលធ្វើឱ្យមនុស្សចាប់អារម្មណ៍នៃម៉ាក់ផលិតផលកាន់តែច្រើន។ ហើយវាប្រាស្រ័យទាក់ទងជាមួយទស្សនិកជនគោលដៅជួនកាលវាអាចជាផ្នែកមួយនៃអតិថិជនដើម្បីធ្វើការទិញ។ ម៉ាក់ផលិតផលស្អាត​ជាមួយគុណភាពល្អលើសពីអ្វីដែលអតិថិជនចង់បាន ប៉ុន្តែស្របពេលនេះដែលក្នុងការឆ្នៃម៉ូតផលិតផលត្រូវក្រឡេកទៅមើលប្រភេទផលិតផលដៃគូប្រកួតប្រជែងដើម្បីឱ្យការវេចខ្ចប់ផលិតផល អោយកាន់តែល្អឥតខ្ចោះជាង នោះទើបប្រេនរបស់អាចយកឈ្នះចិត្តអតិថិជនបាន។

ទំនិញចូលមុន ត្រូវលក់ចេញមុន ទំនិញចូលក្រោយត្រូវស្តុកទុកសិន។

ទីតាំង

ទីតាំងក៏ជាដំណើរការទីផ្សារមួយដែរ ហើយក៏ជាកន្លែងមួយដ៏សំខាន់ក្នុងការនាំយកផលិត ផលទៅឲ្យអតិថិជន។ ការនាំយកផលិតផលទៅឲ្យអតិថិជន ត្រូវឆ្លងកាត់តាមបណ្តាញចែកចាយ។ បណ្តាញចែកចាយ ជាទូទៅមាន៖

ដេប៉ូ ==> អ្នកលក់ដុំ==> អ្នកលក់រាយ ==> អតិថិជន

ការបង្កើតបែបនេះគឺយើងផ្តល់ភាពងាយស្រួលក្នុងការចែកចាយផលិតផល ទៅដល់ដៃអតិថិជនបានឆាប់រហ័ស។

ដោះស្រាយនៅពេលលក់មិនដាច់

ការលក់ផលិតផល ឬសេវាកម្មបែបណាក៏ដោយពេលខ្លះការលក់ ក៏មិនសូវដាច់តែយើងត្រូវតែដឹងអំពីបញ្ហាទាំងនេះត្រៀមចិត្តសម្រាប់ដោះស្រាយ។ បើសិនជាវិធីសាស្ត្រក្នុងការលក់របស់លោកយើងខ្សោយនោះប្រាកដណាស់ថាការលក់របស់យើងនឹងធ្លាក់ចុះជាក់ជាមិនខាន។

អ្នកលក់ត្រូវមានទំនាក់ទំនងល្អជាមួយអតិថិជនដែលរឹតតែសំខាន់ទៅទៀតព្រោះថាយើងអាចលក់ដាច់បានច្រើនលុះត្រាតែយើងត្រូវមានទំនាក់ទំនងល្អជាមួយអតិថិជនជាមុនសិន ។ ត្រូវចេះគ្រប់គ្រងអារម្មណ៍របស់យើង ស្វែងយល់ពីខ្លួនឯងឱ្យកាន់តែច្បាស់ ស្វែងរកអតិថិជនហើយរក្សារពួកគេដោយភាពឆ្លាតវៃ។

ត្រូវមានទំនាក់ទំនងជាមួយអតិថិជន

ការទំនាក់ទំនងនេះ គឺទាមទារអោយអ្នកមានជំនាញខាងភាគទន់ភ្លាន់ សម្រាប់ការបង្កើតទំនាក់ទំនងល្អជាមួយអតិថិជន។ ហើយអាចធ្វើអោយយើងចំណាយពេលបន្តិចប៉ុន្តែអ្នកត្រូវដឹងថា អតិថិជនរបស់យើងជាមនុស្សប្រភេទណា? ការទំនាក់ទំនងបែបមិច? ពួកគាត់ចូលចិត្ត ឬមិនចូលចិត្តអ្វី? ការដែលយើងធ្វើ ឬ និយាយអ្វីដែលអតិថិជនចូលចិត្តស្តាប់ នោះធ្វើអោយអតិថិជនរបស់យើងមានអារម្មណ៍ថាស្រស់ស្រាយជាមួយនឹងការជជែកជាមួយយើង។

ការកំណត់ជំហរទីផ្សារគោលដៅៈ

សំដៅលើការបង្កើតរូបារម្មណ៌នៃផលិតផលតែមួយគត់ដែលមានប្រៀបជាងផលិតផលរបស់គូប្រកួតប្រជែងក្នុងសតិអារម្មណ៌របស់អតិថិជន។

1. កំណត់ចំណែកជាក់លាក់ក្នុងទីផ្សារ
2. សម្រេចចិត្តថាចំណែកណាដែលជាទីផ្សារគោលដៅរបស់យើង
3. យល់ពីផលិតផលអ្វីដែលអ្នកប្រើប្រាស់គោលដៅមានសង្ឃឹមនិងជឿជាក់
4. បង្កើតនិងផ្គត់ផ្គង់ផលិតផលដែលឆ្លើយតបបានទៅនឹងតម្រូវការ នឹងការសង្ឃឹមទុកទាំងនោះ

 

វិធីសាស្ត្រកំណត់ជំហរទីផ្សារគោលដៅៈ

1. បង្ហាញលក្ខណៈនៃផលិតផល
2. បង្ហាញថ្លៃនិងគុណភាព
3. បង្ហាញវិធីប្រើប្រាស់ឬអនុវត្ត
4. ប្រាប់ប្រភេទអ្នកប្រើប្រាស់ផលិតផល
5. បង្ហាញភាពមានប្រៀប

 

ការដឹកជញ្ជូន

ក្រុងភ្នំពេញ និងក្រុងតាខ្មៅ

តម្លៃទិញ	ផលប្រយោជន៏	បន្ថែម
50$-99$ 100$-299$ 300$-999$ 1000$ ឡើងទៅ	ឥត គិតថ្លៃដឹក ឥត គិតថ្លៃដឹក ឥត គិតថ្លៃដឹក ឥត គិតថ្លៃដឹក	0% 5% 10% 15%

 

 

 

ខេត្ត

តម្លៃទិញ	ផលប្រយោជន៏	បន្ថែម
50$-99$ 100$-299$ 300$-999$ 1000$ ឡើងទៅ	ឥត គិតថ្លៃដឹក​ 100% ឥត គិតថ្លៃដឹក 20% ឥត គិតថ្លៃដឹក 20% ឥត គិតថ្លៃដឹក	0% 5% 10% 15%

 

ក្រុមលក់

ក្រុមលក់បែកចែកជា ២ក្រុម ក្នុង ១ក្រុមមានសមាជិក ២នាក់

ក្រុមលក់	រយៈពេល	គោលដៅ
ក្រុមទី១ ខេង ស្រីពៅ ឡុង ធារី តុន ពៅពិសី មាន រ៉ាវួន	១០ថ្ងៃ ចាប់ពីថ្ងៃទី 01-10/08/2022	២០០កន្លែង ក្នុងភូមិកាកាប ភូមិព្រៃទា ជម្ពូវ័ន
ក្រុមទី២ បុរិន សមុត	១០ថ្ងៃ ចាប់ពីថ្ងៃទី 11-20/08/2022	២០០កន្លែង ក្នុងភូមិក្បាលដំរី ភូមិប៉ប្រកខាងជើង

 

 

 

ក្រុមទី១

 

ក្រុមទី២

កំណត់ផែនការលក់

១ ផែនការលក់ប្រចាំខែ គឺ 3000$ សម្រាប់ម្នាក់ ហើយអាចប្រែប្រួល

២ ម្នាក់

ចំណូល        3,001$        –        5,000$                  1%

ចំណូល        5,001$        –        10,000$                1.5%

ចំណូល        10,001$      –        50,000$                2%

ចំណូល        50,001$      –        ឡើងទៅ               2.5%

៣ ជាក្រុម

រៀងរាល់ចំណូល ករណីជាក្រុមក៏គិតម្នាក់ៗដូចគ្នាដែរ បើក្រុមមាន ២នាក់ត្រូវគុណនឹង ២

ឧទាហរណ៏ៈ

បុគ្គលម្នាក់រកចំណូលមកក្រុមហ៊ុនបាន ចំនួន 70,000$ ក្នុង១ខែ

របៀបគិតភាគលាភ៖

លក់បាន	ត្រូវដក	សំណល់	ភាគរយ	ភាគលាភ
70,000$ 50,000$ 10,000$ 5,000$ 3,000$	50,000$ 10,000$ 5,000$ 3,000$ 0	20,000$ 40,000$ 5,000$ 2,000$ 3,000$	x  2.5% x  2% x  1.5% x  1% x  0.5%	500$ 800$ 75$ 20$ 15$

 

 

ករណីពិសេសេ

១ លក់មិនគ្រប់ ទេ គឺភាគលាភត្រូវបានកាត់ចេញ

២ លក់មិនបានគ្រប់ផែនការ រយៈពេល៣ខែ ត្រូវពិន័យ

៣ ដេប៉ូកម្មង់ គឺមិនត្រូវរាប់បញ្ចូលជាការលក់ទេ គឺត្រូវដកចេញ

(ដេប៉ូ គឺជាបុគ្គលដែលបានចុះហត្ថលេខាជាមួយក្រុមហ៊ុនរួចហើយ)

៤ រាល់ការលក់ទាំងអស់មិនរាប់បញ្ចូលសម្ភារៈនោះទេ

៥ ការលក់ គឺទាក់ទងទៅនិងផលិតផលដែលបានចែងនៅក្នុងតារាងផលិតផលប៉ុណ្ណោះ

 

 

ចុងក្រោយ ចំនុចនៃទីផ្សារយក្សាដែលមាន ផលិតផល ផ្សព្វផ្សាយជាសាធារណ: និង ការផ្សព្វផ្សាយលក់ ត្រូវដើរទន្ទឹមគ្នាដើម្បីអភិវឌ្ឍប្រតិបត្តិការទីផ្សារដ៏ជោគជ័យមួយ ដោយបំពេញចិត្តអតិថិជន និង អាចសម្រេចគោលដៅរបស់ក្រុមហ៊ុនបាន៕